Walter Dixon alikuwa askari katika Vita vya Korea ambaye alikamatwa vitani. Baada ya muda mrefu, jeshi lilidhani kwamba alikuwa amekufa na likatuma barua kwa familia yake likitangaza kwamba “ameuawa vitani.” Familia yake ilihuzunika, ikafanya mazishi, na ikajaribu kusonga mbele. Miaka miwili baadaye, kulikuwa na hodi mlangoni. Walipoufungua, Walter alikuwa amesimama hapo, akiwa hai. Kilio kikanza tena, lakini safari hii, yalikuwa machozi ya furaha. Mwana wao ambaye walidhani amepotea alikuwa amerudi.

Hadithi hiyo ni picha ya Pasaka. Ulimwengu ulidhani Yesu amekufa na kupotea. Tumaini lilisulubiwa msalabani na kuzikwa kaburini. Lakini siku ya tatu, Yesu alitoka nje akiwa hai. Katika kifungu hiki cha Yohana 20, tunaona mtu wa kwanza ambaye Yesu alimtokea baada ya kufufuka Kwake: Mariamu Magdalene. Tukio lake linaonyesha moyo wa ufufuo na maana yake kwa maisha yetu leo.